Полная версия сайта --> Мобильная версия сайта

Главная --> Псалтири --> Молитвы перед началом чтения Псалтыри

Молитвы перед началом чтения Псалтири.

Разумно да будет, како подобает пети Псалтырь.

Аще иерей, глаголет:
Благословен Бог наш, всегда, ныне и присно и во веки веков.
Аще ли ни, глаголи умиленно:
Молитвами святых отец наших, Господи Иисусе Христе Боже наш, помилуй нас. Аминь.
Царю Небесный... Трисвятое. И по Отче наш:...

Тропари сия, глас 6:

Помилуй нас, Господи, помилуй нас, всякаго бо ответа недоумеюще, сию Ти молитву яко Владыце грешнии приносим: помилуй нас.
Слава:
Честное пророка Твоего, Господи, торжество, Небо Церковь показа, с человеки ликуют Ангели. Того молитвами, Христе Боже, в мире управи живот наш, да поем Ти: Аллилуиа.
И ныне:
Многая множества моих, Богородице, прегрешений, к Тебе прибегох, Чистая, спасения требуя: посети немощствующую мою душу и моли Сына Твоего и Бога нашего дати ми оставление, яже содеях лютых, Едина Благословенная.
Господи, помилуй 40. И поклонися, елико ти мощно.

Таже молитва Святей Живоначальней Троице:

Всесвятая Троице, Боже и Содетелю всего мира, поспеши и направи сердце мое начати с разумом и кончати делы благими богодухновенныя сия книги, яже Святый Дух усты Давидовы отрыгну, ихже ныне хощу глаголати аз, недостойный, разумея же свое невежество, припадая молюся Ти, и еже от Тебе помощи прося: Господи, управи ум мой и утверди сердце мое, не о глаголании устен стужати си, но о разуме глаголемых веселитися, и приготовитися на творение добрых дел, яже учуся, и глаголю: да добрыми делы просвещен, на судищи десныя Ти страны причастник буду со всеми избранными Твоими. И ныне, Владыко, благослови, да воздохнув от сердца, и языком воспою, глаголя сице:
Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.
Таже постой мало, дондеже утишатся вся чувства. Тогда сотвори начало не вскоре, без лености, со умилением и сокрушенным сердцем. Рцы сие: "Блажен муж..." тихо и разумно, со вниманием, а не борзяся, якоже и умом разумевати глаголемая.

Дапее: Кафисма 1 Псалом 1-8 ...

Меню: Главная | Народный календарь | Православный календарь | Молитвослов | Рыболовный календарь | Календарь праздников | Астрологический календарь | Восточный календарь | Сонники | Разное | Поиск по сайту

Похожие православные молитвы, праздники, угодники Божии, чудотворные иконы:

Молитва святому Царю мученику Николаю
Псалтырь. Кафисма 19. Псалом 134-142
Святой великомученик Димитрий Солунский
Канон Ангелу Хранителю
Житие святого Апостола и Евангелиста Луки
Житие преподобного Иова, игумена и чудотворца Почаевского
Преподобный Амвросий Оптинский


m.proeveryday.ru © Про каждый день, 2009 - 2016г.

Карта сайта | Правила

Ваш ip: 54.211.121.63